افتاده و جونم غمه دیری تو رمندم

افتاده و جونم غمه دیری تو رُمندم دل کندی و رهتی زِرِ آوار تو موندم آروم خو سی فکر و خیالِ مو تو نیلی سوهتم برکت خش وَ حالِ مو تو نیلی پلکیدمه مِن شهر و نسی از تو نشونی عمرم وَ سر اومد وَ غمتشاعر:سهراب عرب زاده.سرگشته.

افتاده و جونم غمه دیری تو رُمندم
دل کندی و رهتی زِرِ آوار تو موندم

آروم خو سی فکر و خیالِ مو تو نیلی
سوهتم برکت خش وَ حالِ مو تو نیلی

پلکیدمه مِن شهر و نسی از تو نشونی
عمرم وَ سر اومد وَ غمت رهته جوونی

مِی سایه وَ بامهِ شُو و رو خاطر عشقت
نی زایه همهِ گفتنه کهِ قاطر عشقت

فکرِ تو وُ او خاطریل نیله بخوسم
شورِ تو زدهِ مِن سر مو کوگ ملوسم

بو مرده یه دِک ایزنش و یی تیه توبه
ساعت خو یه لِک ایزنش و یی تیه توبه

سرباز یه آف ایزنش و یی تیه توبه
شمشیر غلاف ایزنش و یی تیه توبه

مِی مار که زخمش یه کمی نیله نپیچه
سی دل غم و فکرت یه دمی نیله نپیچه

گل پیچم و ایپیچمَ او دار سراتون
تا بلکه بوینی که مونم باز نهاتون

نونی چقدر ناله زدم سی تو بلالم
نی وارسه کس بعد تو هم از دل و حالم

سر رِی تو نشهسم که علف سُز که وَ زر پام
پیدای هنی بعد تو تاول زده تِر پام

گفتن که وَ ایلِ تو کسی نونه وفایه
هر کس که دمی یار تو بو نیده صفایه

باور نَکه دل بهسه وَ زنجیر تو آوی
رهتی تو وُ دالنجر و دل گیر تو آوی

بهسی مثه کهرهِ مونه دم دار سراتون
سگ گشته دلم بعد تو سگ هار سراتون

نیلوم که کسی بُی تو قدم پس بنه یا پیش
فرقی د ندارهِ که غریبهِ وُ که یا خویش

خش نیدم و بعدِ مو کسی بُی تو نبینه
مِی حال دلم آوه وُ بُی غصه بشینه
سرگشته
#سهراب_عرب_زاده

حتما بخوانید: سایر مطالب گروه شعرنو

برای مشاهده فوری اخبار و مطالب در کانال تلگرام ما عضو شوید!

افتاده و جونم غمه دیری تو رمندم

بیشترین بازدید یک ساعت گذشته